14 april 2024

’t Begin

Bij Henny en Ger achter de keuken ligk unne veranda, boe door vrun oonderein un pötsje gedart woort.

Mèr ouch daor, boe ze noe en daan wel ins un feeske organiseerde.

Pèkskes aovend roond de sinterklaos, met aajd op nui, mèr ouch karaoke zeenge, of gewoen veur zoe mèr è feeske.

Op unne aovend zeet Henny tege Ger, zowwe ver hei unne dart prins oetrope, höbbe veer weer un reije um un feeske te hawwe. Ut geit riechting vastelaovend aon , en dit kump daan good oet.

Zoe gezag, zoe gedoon.

Kit ut zuster vaan Henny had nog unne awwe prinsesteek in de kelder ligke, unne aofgekäörde vaan de tempeleers, dee zie had met genome vaan parema ut hoedefebrik boe zie werkde.

Op de pc woorte papère medailles gemaak.

Maurice Weijenberg toen 19 jaor woort prins, heer maakte de skepter en un kètelke met gèt flyers woort de boorsplaat.

Un wit vastelaovendspak woort zien prinsepak.

Alles waor zoe wiet veerdig , mèr noe de naom nog.

Henny häöre pap zag altied tege darte pikvogele, en zoe oontstoond al gaw de naom CV DE PIKVOGELERE .Unne maan of 20 stoond bij Henny en Ger in de veranda en de ierste hoegl:ostigheid waor toch nerveus.

Wat heer neet wis dat waor dat Pierre Ritchie zien Kakpepers had gevraog um dit bij dit gebäöre aonwezig te zien, jummers ouch Pierre deech darte daor.

En toen de erreme jong vaanoet de keuke de veranda inkoum , stoonte daor boete de 20 lui, un echte vastelaovends vereniging.

Nao de instalatie is un hiel gezellig oetrope gewees.

Op de rommelmèrret woorte 11 jèskes en steke te koup aongebooje, veur 4 euro pèr stel.

Neet lang gedach en binne un haaf oor laoge de ierste kostuums in dezelfde veranda op de taofel.

Bij ut oetrope vaan de hoeglöstigheid Ted de ierste vaan de Kakpepers, goonge cv de pikvogelere de ierste kier oet.

Ouch de vrowlui hadde unne steek op, ze mooste jummers met 11 maan zien.

Henny woort de moeljaan en Ger de prizzedènt.

Ut jaor daorop woort de twiede hoeglöstigheid oetgerope Pierre Maka en Angelina nog altied in dezelfde veranda.

Ut greujde en greujde,

Noe al die jaore later rope CV DE PIKVOGELERE hunne hoeglöstigheidoet in zaol de Edi.

Hobbe hun ierste lustrum 1×11 jaor achter de rögk.

De kostuums steke zien nui, en ouch höbbe de vrowlui geine steek mie op.

En nog altied steit ut plezeer veurop, al is ut toch nao al die jaore un serieuze vereniging gewore.

CV DE PIKVOGELERE un combi vereniging , Want Henny zag altied gaon neet weengke es Ger weg geit.